Oharra. Atzo arratsaldean, Mikrokontakizunen I Lehiaketaren sariak banatu ziren. Lehiaketa Barakaldoko Udalak antolatutako 'Barakaldo Hitza 2016' egitarauaren barruan garatu da eta beronen bidez, euskarazko ekoizpen literarioa suspertu nahi zen. Epaimahaikideek adierazi dutenaren arabera, parte hartzea espero zen baino askoz ere handiagoa izan da eta whatapp-en maila (mikrokontakizunak whatsappen bidez helarazi behar ziren) bikaina izan da. Hauek dira saritu diren whatsappak:
- Txapelduna: Beldurrak jantzi ditut esnatzean, lehenik aurreiritziak, ondoren lotsak, azkenik minak. Aurpegia maskara alai batez estali ta kalera irteteko prest nago".
- 1. accesita: “Zoriontsu izan zaitez hurrengo bizitzan esnatzean, laztana!” Lurra bota zuen hilobian, poltsikoan anonimato beroan erabilitako aiztoa maitekiro estutzen ari zelarik.
- 2. accesita: Oihala goian. Zakua inguruan. Hondarrak nonahi. Esnatzean, alaba besarkatu dut. Dardarka dago. “Goazen iladara, laztana, gosaltzera”. Europa dugu zain?
| sigue leyendo